ಗಂಗಾವತಿಯಲ್ಲಿ ಮಾದಕ ವಸ್ತು ವಿರೋಧಿ ದಿನ ಆಚರಣೆ : ಸೈಕಲ್ ಜಾಥಾ ಯಶಸ್ವಿ**

** ಕಿಷ್ಕಿಂದ ಪ್ರಭ ಗಂಗಾವತಿ, 26 ಜೂನ್ 2025:** ಪೊಲೀಸ್ ಇಲಾಖೆ, ಗೋಗ್ರಿನ್ ಸೈಕ್ಲಿಂಗ್, ಭಾರತೀಯ ವೈದ್ಯಕೀಯ ಸಂಘ ಮತ್ತು ಇತರ ಸಂಘಟನೆಗಳ ಸಹಯೋಗದಲ್ಲಿ ಮಾದಕ ವಸ್ತುಗಳ ಬಳಕೆ ವಿರೋಧಿ ದಿನದಂದು ನಗರದ ಮುಖ್ಯ ರಸ್ತೆಗಳಲ್ಲಿ ಸೈಕಲ್ ಜಾಥಾ ನಡೆದಿದೆ.

ಕಾರ್ಯಕ್ರಮವು ಬಸ್ ನಿಲ್ದಾಣದ ಶ್ರೀ ಕೃಷ್ಣದೇವರಾಯ ವೃತ್ತದಿಂದ ಪ್ರಾರಂಭವಾಗಿ, ನೀಲಕಂಠೇಶ್ವರ ಸರ್ಕಲ್, ಭಗೀರಥ ಸರ್ಕಲ್, ದುರ್ಗಮ್ಮ ದೇವಸ್ಥಾನ ಮಾರ್ಗವಾಗಿ ಗಾಂಧಿ ಸರ್ಕಲ್ ತಲುಪಿ, ಮಹಾತ್ಮ ಗಾಂಧಿಯವರ ಪ್ರತಿಮೆಗೆ ಮಾಲ್ಯಾರ್ಪಣೆಯೊಂದಿಗೆ ಅರ್ಥಪೂರ್ಣವಾಗಿ ನಡೆಯಿತು **ಯುವಜನತೆ ಮಾದಕ ವಸ್ತುಗಳಿಂದ ದೂರ ಇರಲು ಡಿವೈಎಸ್ಪಿ ಸಿದ್ದಲಿಂಗಪ್ಪಗೌಡ ಪಾಟೀಲ್ ಕರೆ** ಡಿವೈಎಸ್ಪಿ ತಮ್ಮ ಭಾಷಣದಲ್ಲಿ, *"ಮಾದಕ ವಸ್ತುಗಳು ವ್ಯಕ್ತಿ ಮತ್ತು ಕುಟುಂಬಗಳನ್ನು ನಾಶಮಾಡುತ್ತವೆ. ಇದರ ಬಳಕೆ ಕಾನೂನುಬಾಹಿರವಷ್ಟೇ ಅಲ್ಲ, ಸಾಮಾಜಿಕ ಅನರ್ಥಗಳಿಗೂ ಕಾರಣವಾಗುತ್ತದೆ. ಯುವಜನತೆ ಇದರಿಂದ ದೂರವಿರಬೇಕು ಮತ್ತು ಆರೋಗ್ಯಕರ ಸಮಾಜ ನಿರ್ಮಾಣದಲ್ಲಿ ಸಾರ್ವಜನಿಕರು ಸಹಕರಿಸಬೇಕು ಎಂದು ಒತ್ತಿಹೇಳಿದರು. **ವೈದ್ಯಕೀಯ ಸಮುದಾಯದ ಡಾ. ಎ.ಎಸ್.ಎನ್. ರಾಜು ಎಚ್ಚರಿಕೆ** ಗಂಗಾವತಿ ಭಾರತೀಯ ವೈದ್ಯಕೀಯ ಸಂಘದ ಅಧ್ಯಕ್ಷ ಡಾ. ಎ.ಎಸ್.ಎನ್. ರಾಜು ಹೇಳಿದರು, *"ಡ್ರಗ್ಸ್ ಬಳಕೆದಾರರು ತಮ್ಮ ಪ್ರಜ್ಞೆಯನ್ನು ಕಳೆದುಕೊಂಡು, ಕುಟುಂಬ ಮತ್ತು ಸಮಾಜಕ್ಕೆ ಹಾನಿ ಮಾಡುತ್ತಾರೆ. ಇದನ್ನು ತಡೆಗಟ್ಟಲು ಪ್ರತಿಯೊಬ್ಬರೂ ಜಾಗೃತರಾಗಿ, ಅಡಿಕ್ಷನ್ ಸೆಂಟರ್ಗಳಿಗೆ ಚಿಕಿತ್ಸೆ ಪಡೆಯುವಂತೆ ಪ್ರೋತ್ಸಾಹಿಸಬೇಕು ಎಂದು ಹೇಳಿದರು "*

**ಸಂಘಟನೆಗಳ ಸಕ್ರಿಯ ಭಾಗವಹಿಸುವಿಕೆ** ಫ್ಲೈಯಿಂಗ್ ಪ್ಪೇದರ್ಸ್ , ವಿಜಯನಗರ ಸ್ಪೋರ್ಟ್ಸ್ ಕ್ಲಬ್, ಲಯನ್ಸ್ ಕ್ಲಬ್, ಗಂಗಾವತಿ ಚಾರಣ ಸಂಘ, ಕಿಷ್ಕಿಂದ ಯುವ ಚಾರಣ ಬಳಗ ಮತ್ತು ಪರಿಸರ ಸೇವಾ ಟ್ರಸ್ಟ್ ಸೇರಿದಂತೆ ಹಲವು ಸಂಘಟನೆಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದವು.

**ಪ್ರಮುಖರ ಉಪಸ್ಥಿತಿ** ಪೊಲೀಸ್ ಅಧಿಕಾರಿ ಪ್ರಕಾಶ್ ಮಾಳೆ, ಐ.ಎಂ.ಎ. ಕಾರ್ಯದರ್ಶಿ ಡಾ. ನಾಗರಾಜ್, ವಕೀಲ ಅಭಿಷೇಕ್, ಅರವಿಂದ ಗೌಳಿ, ಡಾ. ಅಮರ್ ಪಾಟೀಲ್, ಡಾ. ಶಿವಕುಮಾರ್ ಮಾಲಿಪಾಟೀಲ್, ಶ್ರೀಕಾಂತ್ ಎಂ., ಜಂಬಣ್ಣ ಆಯ್ಲಿ, ನಾಗೇಶ್ ಗುನ್ನಾಳ್, ಡಾಕ್ಟರ್ ದೇವರಾಜ್ ಚಂದ್ರಪ್ಪ ದಂತ ವೈದ್ಯ ಚೇತನ್ ಕುಮಾರ್, ಅಭಿಯಂತರ ಚೇತನ್ ಕುಮಾರ್ ಹಿರೇಮಠ್, ಶಿವಶಂಕರ್ ಭಂಡಾರ್ಕರ್, ಮಂಜುನಾಥ ಗುಡ್ಲಾನೂರು, ಹನುಮೇಶ ಮತ್ತಿತರರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ಮಾದಕ ವಸ್ತುಗಳಿಂದ ಮುಕ್ತವಾದ ಸಮಾಜ ನಿರ್ಮಾಣಕ್ಕೆ ಸಾರ್ವಜನಿಕರ ಸಹಕಾರ ಅಗತ್ಯವೆಂದು ಈ ಕಾರ್ಯಕ್ರಮದ ಮೂಲಕ ಸಂದೇಶ ನೀಡಲಾಯಿತು. **- ಸುದ್ದಿ ಸಂಗ್ರಹಣೆ** ಪತ್ರಕರ್ತ ಮಂಜುನಾಥ್ ಗುಡ್ಲಾನೂರ